• Саше Љолес
Грчкиот гигант Олимпијакос без поголеми проблеми го стартуваше настапот на турнирот „Крсте Андоновски“ во Охрид, откако славеше убедлив триумф над црногорскиот претставник, Ловќен, со конечен резултат 37-22.
Олимпијакос одигра максимално квалитетен натпревар, на паузата водеше со осум гола разлика (12-20), а до крајот само ја запечати победата со уште поголема разлика.
Грчкиот состав кој е предводен од хрватската легенда Жељко Бабиќ му се придружи на нашиот Алкалоид, кој претходно извојува триумф над Динамо Панчево со 27-22. Најдобри поединци во победничкиот состав беа искусните Јосип Периќ и Предраг Вејин.
