Охрид му даде 41 гол на Борец, Вардар Јуниор со „минималец“ против Прилеп

Ракометарите на Охрид прославија убедлива победа над ГРК Борец со 26-41 во меч од третото коло во Суперлигата. Избраниците на Горан Андоновски немаа никакви проблеми со младинците од Велес и уште на полувреме обезбедија висока разлика (12-20).

Во вториот дел само се зголеми предноста, а шанса за настап добија сите ракометари од клупата кај гостите. Најдобар стрелец кај охриѓани беше десното крило Блажески со 11 голови, а по седум дадоа Георгиевски и Андоновски, додека кај велешани се истакна Ристов со седум голови.

Вардар Јуниор на домашен терен со 29-28 го победи составот на Прилеп. Гостите отворија со водство од 0-3, но во продолжение домашните ракометари заиграа подобро и до паузата обезбедија минимална предност, 13-12.

Во вториот дел прилепчани, предводени од искусните Бозароски и Ролевски, повторно ја вратија конторлата на мечот и поведоа со 20-23. Сепак, попуштија во моментите кога најмалку требаше и младите и полетни домаќини со серија од 7-1 дојдоа до 27-24.

До крајот гостите само успеаја да намалат на - 1, но немаше дилеми околу победникот и Вардар Јуниор победи со 29-28. Најдобри стрелци кај домашниот тим беа Кукуловски со девет и Крстевски со седум голови, додека кај Прилеп, Бозароски и Ѓорѓиоски дадоа по седум погодоци.

Суперлига
ОН П Н И Гол. ГР Форма Бод.
1 МеталургМеталург 14 12 2 0 486:350 136 38
2 Охрид 2013Охрид 2013 14 12 1 1 404:313 91 37
3 Бутел СкопјеБутел Скопје 14 10 1 3 379:340 39 31
4 Пролет 62Пролет 62 14 9 2 3 440:371 69 29
5 РадовишРадовиш 14 7 1 6 412:408 4 22
6 Вардар ЈуниорВардар Јуниор 14 6 0 8 385:417 -32 18
7 Еурофарм Пелистер 2Еурофарм Пелистер 2 14 4 2 8 358:379 -21 14
8 Металург 2Металург 2 14 2 1 11 397:473 -76 7
9 РаботничкиРаботнички 14 1 1 12 399:504 -105 4
9 СтругаСтруга 14 1 1 12 323:428 -105 4