• Саше Љолес
Ракометарот на ГРК Охрид, Дарко Ѓукиќ, даде изјава во однос на очекувањата од пролетната полусезона во Суперлигата, каде неговата екипа има јасни и нескриени високи амбиции.
Србинот е убеден во квалитетот на охриѓани и смета дека колективот уште повеќе ќе расте со доаѓањето на новите искусни засилувања.
„Мислам дека успеавме да ја кренеме екипата во однос на почетокот на сезоната. Имаме и нови засилувања, сега со нас е и Прибетиќ, па затоа очекувам да бидеме уште посилни на следните мечеви.
Земавме неколку скалпови на фаворитите, не гледам зошто да не го повториме тоа и во круцијалниот дел од сезоната.
Ростерот е проширен и поквалитетен, би сакале да ги радуваме навивачите со уште повеќе победи и успешни резултати во плеј-офот“, изјави Ѓукиќ.
Охрид го комплетираше првиот дел од сезоната на третата позиција на табелата, веднаш зад Вардар 1961 и Еурофарм Пелистер.
