Одличниот Кузмановски со „шест од шест“ за Хановер во првиот меч

Македонскиот репрезентативец Филип Кузмановски имаше одличен старт на пријателските натпревари со Хановер кои ќе служат како подготовка за новата сезона.

Хановер беше подобар од Нордхорн-Линден во тест-натпреварот (29-21), а македонскиот среден бек беше одличен без ниту едно промашување. Кузмановски го заврши натпреварот со шест гола од шест обида, исто така запиша и шест асистенции.

Филип Кузмановски ја крена формата во Хановер минатата сезона и добива редовна минутажа од тренерот. Оваа сезона се очекува тој да има поголема улога во бундеслигашот кој оваа сезона ќе се обиде да нападне место во еврокуповите.