• Редакција Gol.mk
Новата сезона во Лигата на шампионите во ракомет за жени започна со изненадување. Унгарскиот гигант Ференцварош на домашен терен загуби од Одензе од Данска со 32-34, во дуел во кој двете екипи се менуваа во водството во текот на сите шеесет минути.
Кристијансен Бакеруд со седум гола беше прво име на натпреварот, а Ардал, Хансен и Дела Рушфелд со по пет гола исто така одиграа одличен натпревар. Во поразениот Ференцварош отскокнаа Вогел и Клујбер со по осум гола.
Романскиот претставник Глорија Бистрица го искористи домашниот терен и го совлада Сторхамер со 29-26. Со Делгаго Пинто со осум и Асука Фујита со седум гола беа архитекти на домашната победа, а Мероника Мала со седум погодоци беше најдобра кај поразениот тим.
Денес се играат уште натпреварите Брест Бретоњ - Крим Меркатор и Подравка - Сола.
ФОТО/PHOTO: EHF
