• Саше Љолес
Управата на новиот македонски суперлигаш, РК Младост, го потпиша првиот професионален договор со еден од најталентираните производи на својата ракометна школа, Никола Тасев, кој настапува на позициите лев и среден бек.
На само 17 години, младиот Тасев направи голем чекор во својата кариера и ја доби довербата на клубот да биде дел од сениорскиот проект на Младост. Неговиот труд, посветеност и љубов кон клубот се наградени со професионален договор, што претставува уште еден доказ дека младинската школа создава добра иднина за македонскиот ракомет.
Во следниот период најавено е дека РК Младост 1977 ќе ги обнови договорите со сите домашни играчи кои ќе добијат зголемување на финансиските средства како награда за влез во елитното ракометно друштво.
