Нова промена, ЖРК Чаир дуелите од ЕХФ купот наместо во „Борис“ ќе ги игра во „Јане“

Женскиот ракометен клуб Чаир одново направи промена на домаќинството за двата натпревари од Европскиот куп на ЕХФ. 

Македонскиот претставник во рамките на осминафиналето ќе одиграат два домашни дуели против Славија Прага на 18 и 19 јануари од 18:00 часот. Сепак, одново дојде до промена на салата домаќин на овие средби. 

Од објективни причини Чаир наместо во СЦ „Борис Трајковски“ ќе ги одигра натпреварите во СЦ „Јане Сандански“. Вреди да се напомене дека првично беше најавено дуелите да се играат во салата „Автокоманда“ во која е во тек реновирање.