• Зоран Мишевски
Ракометарите на Еурофарм Пелистер ја запишаа втората победа во вториот домашен натпревар во два дена во рамките на групата Б на Суперлигата. Момците на Јовиќ и Шундовски и со комбиниран тим го совладаа Голден Арт со 21-37 (17-10). Околу 500 гледачи во спортската сала „Боро Чурлевски“ видоа убав ракомет и атрактивни потези.
- Комплетниот натпревар меѓу Голден Арт и Еурофарм Пелистер:
Битолчани почнаа моќно и со три гола на Борзаш и три на Петровиќ поведоа со 6-2. Следеша реакција на Даев, Ончев и Шилегов и Голден Арт се доближи до 10-8. Сепак, во втората половина од првиот дел се разигра Емилијан Ѓорговски, постигна четири гола и на одмор шампионот замина со 17-10.
Второто полувреме започна со ротација на домашниот стручен штаб и одржување на предноста. Крилата Кузманоски и Костески го полнеа голот на Даскаловски, а посебно расположен беше Ѓорѓгосвки, автор на неколку атрактивни гола. Руди Сери ги исвои срцата на гледачите со дла гола и знаци на целосна рекуперација.
Најефикасни кај Еурофарм Пелистер беа Ѓорговски со осум и Васиљев со шест гопла, додека во тимот на Голден Арт се истакна Шилегов со шест погодоци. Јовиќ и Шундовски им дадоа слободен ден на Лесјак, Кисум, Цехте, Павле Атанасијевиќ...Веќе в среда следи дуел со германскиот шампион Кил во рамките на Лигата на шампионите во Битола, а следниот викенд суперлигашко гостување во Неготино,
Ракомет
Суперлига 2023/24
Група Б – трето коло
Голден Арт – Еурофарм Пелистер 21-38 (10-17)
Спортска сала „Боро Чурлевски“ – Битола
Гледачи: 500
Судии: Мирко Трајковски и Александар Вукашиновски
Голден Арт:
Даскаловски, Спасовски, Трајковски, Ончев 4, Глигоров, Даев 2, Стаменковиќ 2, Шилегов 6, Јанковски, Гошевски 2, Миланов, Лешникоски, Божиновски, Милошески 3, Дрпљанин 2, Гајиќ
Седмерци: 1/1
Исклучувања: 4 минути
Еурофарм Пелистер:
Гедбан, Кизиќ, Кузманоски 3, Тајник 2, Борзаш 6, Радивојевиќ 2, Костески 1, Васиљев 6, Петровиќ 5, Пет. Атанасијевиќ 2, Ѓорговски 8, Нилсен, Пешевски 1, Сери 2
Седмерци: 1/1
Исклучувања: 2 минути
