• Иван Димовски
Четири селекции продолжија максимално на Светското првенство за дами во Германија и Холандија.
Норвешка ѝ отчита лекција на Шведска и ја декласира со убедливи 39-26 (15-14). Веројатно ретко кој очекуваше дека скандинавското дерби ќе заврши со двоцифрена победа на Норвежанките. До победата својата селекција ја водеа Бакеруд и Реистад со по шест реализации. Во групата 4 перфектни останаа и Бразилките кои со 32-25 ја совладаа селекцијата на Јужна Кореја.
Данска ја оправда фаворитската улога и со 40-26 ја декласира селекцијата на Сенегал. Скандинавките беа убедливи и во двете полувремиња даваа по 20 гола.
Победа во групата 1 забележаа и Унгарките кои славеа против Романија со 34-29.
ФОТО/PHOTO: © IHF
