• Зоран Мишевски
Македонската колонија во Романија доби нов член. Иако битолски ЖРК Пелистер се надеваше дека ќе ја придобие во своите редови за сезоната 2019/20 ако не замине во странство, Наташа Нолевска денес потпиша и беше претставена како нов член на романска Корона Брашов.
„Веруваме дека Наташа брзо ќе се вклопи во нашиот тим и ќе имаме успешна и долга соработка“, напиша клубот од Брашов на социјалните мрежи.
Нолевска, која игра на позицијата десно крило, е дете на АМС Феникс, па се пресели во јуниорскиот тим на Вардар, настапуваше за Виборг и Ранкбобинг, а сега првпат ќе настапува во Романија.
Битолчанката е член на репрезентацијата на Македонија на Симе Симовски.
