• Зоран Мишевски
Како што пренесува „Радио Каталуња“, голманот на актуелниот европски шампион во ракомет, Барселона, Емил Нилсен, би можел да потпише за Веспрем од 2026 година. Познато е дека голманското дуо на тимот од Унгарија, Мајк Јенсен и Родриго Коралес имаат важечки договори до летото 2026 година, а потенцијална замена би можел да биде споменатиот фантастичен голман од Данска.
Наводно, раководството на Каталонците му понудило нов договор на 27-годишниот голман, кој не бил прифатен и Нилсен со тоа најавил заминување. Тој договор, наводно, бил еднаков на договорот со Дика Мем, кој е најплатениот играч во оваа генерација на Барселона. Актуелниот партнер на Нилсен на голот, Гонзало Перез де Варгас, исто така, од следното лето ќе го напушти клубот и ќе го засили Кил, па раководството брзо реагираше и најде замена во форма на Исланѓанецот Виктор Гисли Халгримсон, кој моментално е член на Висла Плок од Полска.
Доколку трансферот на Нилсен се реализира за две години, Барса ќе загуби два многу важни елементи на овој шампионски тим.
