• Иван Димовски
Ракометарите на Вардар 1961 ќе бидат домаќини на четвртфиналната група во Купот на Македонија во која се натпреваруваат уште Охрид, Јуниор Кисела Вода и Скопје.
Прв ривал на „црвено-црните“ ќе биде екипата на Охрид. „Гладијаторите“ имаат свои мотиви, но јасно кој е фаворит, а и покрај тоа тренерот Владо Недановски зборуваше со респект за противникот.
„Почнува серија на силни мечеви, но сега сме фокусирани за Охрид. Тоа е квалитетен тим, играат добар ракомет, и имаат искуни играчи. Покажаа дека кога играат со Вардар се супер мотивирани. Агресивни се сите 60 минути. На последниот меч што го игравме тешко поминавме. Ние се подготвуваме како и за секој меч, а и сега нема да е многу поразлично од досегашните.
Вардар е фаворит, и секако одиме на победа. Имаме повредени, со мали или посеирозни повреди. Ова е втор дел од сезоната и тоа е нормално, но секако не се тоа големи проблеми. Не размслуваме за што понааму, туку само за овој меч што е пред нас. Од понеделник ќе почнеме да се подготвуваме за Еурофарм Пелистер“, кажа Недановски.
Пресметката во СЦ „Јане Сандански“ се игра в сабота во терминот од 17:00 часот. Ден подоцна е закажано и финалето на оваа група.
