Капитенот на македонската репрезентација Кирил Лазаров во изјавата по завршувањето на мечот се осврна на поразот од Белорусија и на севкупниот турнир, кој не ја задоволува неговата амбициозност и карактер:
Разочараноста кај нашите ракометари од четвртиот пораз на турнирот беше видлива во секој поглед и на секој чекор. Иако краток, Влатко Митков на последното обраќање пред новинарите, им подаде рака на Белорусите како на поквалитетен тим денес во Краков.
Македонија врти нова страница. Можеби ќе биде 11. во Европа, но кој знае каква утеха ќе биде тоа на крајот. Поразот од Белорусија сигурно е голема бламажа, шлаканица и опомена за во иднина. Пристап, тактика, потценување, што и да беше, денешните 60 минути немаат никаква вредност во нашиот турнир. Како и против Хрватска, повторно се посрамотивме, а секојдневно зборуваме за Олимпијада. Оваа денешна Македонија, која загуби од Белорусија, Олимпијада може да гледа само на ТВ. Веројатно имаме доволно време до април за да се разбудиме.
Легендарниот Јури Шевцов пред мечот имаше многу проблеми со откажувањата на Рутенка и Бабичев, но неговата селекција одигра достоинствен меч и зад себе го остави најуспешното првенство во својата историја.
Не беше лесно да се издржат напорите и на овој последен шести натпревар на првенството, посебно затоа што Македонија во Краков дојде со многу ровити ракометари, а Миркуловски е последен од нив. Селекторот Ивица Обрван на официјалната прес-конференција го анализираше мечот.
Незадоволните лица на нашите ракометари беа видливи низ микс-зоната по поразот од Белорусија со 29-30. Иако не значеше кој знае што мечот, сепак беше показател како игравме на ова првенство и каде оди во иднина нашиот ракомет. Наумче Мојсоски беше дециден околу причината за поразот.
Ништо и од таа толку посакувана прва победа. Шест натпревари, четири порази и два нерешени резултати. Тоа е крајниот биланс на нашата репрезентација на Европското првенство во Полска. Денес и Белорусија ја надополни негативната серија на Македонија, нанесувајќи ни пораз со 29-30 (13-14). По натпреварот, Прибак се наврати на променливата игра во текот на целото првенство:
Македонија го заврши Eвропското првенство во Полска без ниту една победа, откако денес претрпе пораз и од Белорусија со 29-30 (13-14) во меч во кој моравме да играме и без Филип Миркуловски.
Македонија водеше само двапати, и тоа минимално (7-6 во 15 минута. и 10-9 во 21. минута). Голот за првото водство на нашата репрезентација го постигна Стојанче Стоилов, по што коментаторот на МТВ оптимистички оцени:
Европското првенство ја завршува својата втора недела од почетокот. Нашите навивачи и натаму ги има во Краков, но се далеку помалку отколку во првата групна фаза, па и од мечевите со Хрватска и Норвешка. Разретчена и помалку поспана, „Фалангата“ пристигна во арената заедно со група полски навивачи, кои се загреваат за нивниот одлучувачки меч против Хрватска. Но иако се неколку десетици, македонските навивачи сигурно ќе скандираат и пеат, а песната ќе допре во ракометарите. Белоруски навивачи воопшто нема во арената.
Зјапаат празни трибините на „Краков арената“. Интересот за првиот од трите натпревари на одлучувачкиот ден на шампионатот не е многу голем. Македонските ракометари во мир пристигнаа во големата арена и веднаш се посветија на загревањето пред мечот со Белорусија. Денес Лазаров и другарите ќе настапат во црвената комбинација на дресови со која играа на првиот натпревар против Франција. Нацијата од нив ја чека првата победа на турнирот.
Според очекувањата, Филип Кузмановски ќе може да настапи и пријавен е за натпреварот со Белорусија. Македонија не го искористи последното право на замена, но затоа мораа да менуваат нашите притивници.
Летонските судии Зигмарс Столаровс и Ренарс Лицис се делегирани да ја делат правдата на мечот Македонија - Белорусија денес од 16.00 часот во „Краков арената“.
Уште од минатиот век не сме играле против репрезентацијата на Белорусија во официјален натпревар. Можеби блага е нашата фаворитска улога и заради неиграњата на Бабичев и Сергеј Рутенка, но главна мотивација треба да биде да не си заминеме без ниту една победа од Краков. Наумче Мојсоски сака тимот да го преслика изданието од понеделникот.
Неколку наши ракометари, кога би имале утре сосема обичен натпревар, сигурно не би ризикувале. Имаме ровити и ракометари кои трпеа силен ритам на натпревари по подолга пауза. Затоа треба да се биде внимателен и да не се ризикува, а со тоа и добро да се изротира целиот ростер.
Многу наши ракометари повредени дојдоа во Полска и со тоа стручниот штаб беше принуден да ги дозира нивните можности. Така е и со Филип Лазаров, кој на ова првенство игра на парче и се обидува да му помогне на тимот, колку што е тоа возможно.
Последниот тренинг пред мечот со Белорусија значеше и последна средба на македонските ракометари со малата „АВФ арена“ во Краков. Подготовката за шестиот натпревар во Краков започна со тренинг за опуштање и ментално насочување кон наредниот противник. Дилемата „Кузмановски да или не“ позитивно е разрешена и најмладиот наш репрезентативец ќе игра утре. Стилот на игра на Белорусија би требало повеќе да ни одговара, иако со ваков тип на противници никогаш не се знае. Па дури и без Бабичев и Рутенка, Белорусија мора сериозно да се сфати. Потоа ќе имаме време да навиваме против Норвежаните.
Пред последниот тренинг пред мечот со Белорусија, селекторот Ивица Обрван разговараше со новинарите и откри од каде доаѓаат најголемите закани на нашиот шести и последен натпревар на шампионатот.
Денешниот тренинг повеќе за рекуперацијата македонските ракометари го искористија за да се подготват во мали детали за мечот со Белорусија утре попладне. Сите очи беа вперени кон Филип Кузмановски и можноста тој да настапи на утрешниот натпревар, по вчерашниот лакт во главата во почетната фаза од мечот со Норвешка.
Според однапред направениот план на организаторот, денес македонската репрезентација ќе тренира од 16.00 часот во помалата „АВФ арена“, а 15 минути претходно ракометарите ќе имаат брифинг средба со новинарите.
