Победата на ЖРК Вардар вчера со ЦСМ Букурешт е голем чекор напред во плановите на македонскиот првак, а гостите од Романија не го кријеа разочарувањето по поразот. Тренерот Расмунсен најмногу жали што екипата не беше комплетна за мечот во Скопје.
Тешко извојуваната победа на ракометарките на Вардар против Букурешт со 22-21 ги загрижи навивачите на скопските „црвено-црните“, но карактерот кој го покажаа девојките на Кастратовиќ и Питлик останува клучен фактор и по мечот.
Победа си е победа, посебно во Лигата на шампионите и како прв натпревар во годината. Вардарки „стапнаа на десна нога“ во 2016 година и со тоа најавија дека можеби оваа година е година на исчекор во Европа. Победата од 22-21 (11-11) против ЦСМ Букурешт радува, но и опоменува. Само на моменти Вардар беше оној тим кој сакаме да го гледаме, а и гледалиштето како да им врти грб на ракометарките, бидејќи СЦ „Јане Сандански“ е пречесто празен. По добриот старт, наредна цел сега е добро продолжување на ракометната европска пролет.
Одморна откако не учествуваше со Хрватска на ракометниот мундијал во Данска, Андреа Пенезиќ едвај чека да почнат натпреварите од ракометната пролет во Лигата на шампионите. ЦСМ Букурешт е тим кој предизвикува респект кај „црвено-црните“ и со тоа ризикот да се потцени противникот е сведен на минимум.
Клупската пролет официјално почнува утре за ракометарките на Вардар, кои во Скопје го дочекуваат ЦСМ Букурешт во СЦ „Јане Сандански“. Двата теста со Крајова, добрата клима во соблекувалната и скаутирањето до најмал детал на противникот, будат оптимизам кај девојките на Индира Кастратовиќ. Самиот тренер пренесува дека сите едвај чекаат да почне втората групна фаза од Лигата на шампионите.
