Пак во драматична завршница победата му побегна на Металург. Ако против Скјерн и Баја Маре на гостувањата, кобен беше последниот напад, денес во Скопје, момците на Червар потфрлија во последните пет минути. Постојано бркаа и кога се чинеше дека Јанко Божовиќ и соиграчите го имаат тимот на Баја Маре, настана неочекуван застој во играта. Последните пет минути, наместо македонскиот, романскиот првак успеа да собере енергија и да се радува со 21-23 во шестото коло од Лигата на шампионите.
Ланскиот Металург веројатно трите последователни мечеви со драматична завршница, немаше да ги загуби. Но овогодишниот е премлад, јасно изменет и неискусен за да ги добива и мечевите со рамни или подобри од себе. Тренерот на нашиот претставник, Лино Червар на прес-конференцијата рече:
Скоро по исто сценарио, тимот на Баја Маре успеа да го совлада Металург во натпревар за бодови во најсилниот европски куп и да ги приземји амбициите на клубот од Автокоманда. За дебитант, секоја гостинска победа е злато вредна во Лигата на шампионите, а тоа го знаат и Романците.
