Не беше лесно да се зборува за дебалот во Скопје од полскиот табор, па Марин Шего беше краток и дециден. Тој како и сите присутни го истакнаа Штербик и дефанзивата на Вардар, како главна причина за победата на Вардар од 34-24(18-14).
По завршувањето на мечот на официјалната прес-конференција, уште со загреани емоции вардарци ја славеа најголемата победа оваа есен во групната фаза на Лигата на шампионите.
Тренерот на Киелце, Талант Душебаев видно лут и незадоволен на средината со новинарите им ја честита победата на противниците и упати јасна критика до своите ракометари.
Дека поразот во Колдинг беше лош ден и дека Штербик е најзначаен елемент во играта на вардарци, се покажа и попладнево. Вардар го декласира Киелце со 34-24(18-14) и ги врати старите навики во Лигата на шампионите. Мечот започна со прошка од „Комитите“ за Дејан Манасков, кого го исвиркуваа веќе два месеци.
Од првата емоција и прошката, која ја побара Дејан Манасков од „Комитите“ до емоциите во мечот, одмаздата на Вардар против Киелце е целосна. По болните два минимални порази во четвртфиналето минатата година, мина половина година, но и ден-денес тие мечеви се споменуваат. Вардар офанзивно го „збриша“ третиот тим во Европа и ја зачува домашната непобедливост со победата од 34-24 (18-14). Пред тринеделната пауза во европските купови, црвено-црните ликуваат на врвот во групата.
