Европската ракометна федерација (ЕХФ), одлучи да ги казни репрезентациите на Македонија и Франција заради несоодветна опрема со која настапија на вчерашниот натпревар.
По вчерашната победа над нашата репрезентација, најдобриот француски ракометар, Никола Карабатиќ, изјави дека тој и неговите соиграчи имаа среќа што нашите ракометари не издржаа докрај со квалитетното ниво на ракомет.
До пред неколку месеци беа клупски другари и заедно се радуваа во Келн, кога Барселона стана европски првак. Сега, Кирил Лазаров и Никола Карабатиќ беа на спротивставени страни и нивното надмудрување беше индиректно. Карабатиќ не блескаше, но одигра тимски и постигна 2 гола од 7 обиди. Мина скоро 55 минути на теренот, имаше меч во кој не му одеше најдобро и застана на 27% на успешност.
Битолчанецот Филип Кузмановски синоќа дебитираше на едно големо натпреварување и веднаш против неговиот идол, Никола Карабатиќ. Не ги криеше емоциите пред новинарите на официјалната прес-конференција и на брифингот подоцна.
Повторно само впечатоци и аплаузи, а резултатот изостана. Македонија загуби и на овој старт на европско првенство, но нашите навивачи горди заминуваат дома. Против оваа Франција не може да се оствари нешто повеќе, ако не се игра 60 минути максимално квалитетно и мора да се има огромна доза на среќа. Поразот од 30-23 и приказната во Краков сигурно повеќе ќе буди пријатно од непријатни спомени, но пораз сепак си е пораз.
Поразот од седум разлика од Франција остава горчина во нашиот табор посебно заради начинот на кој го загубивме мечот, посебно во второто полувреме. Таа горчина можеше да се почувствува и кај Филип Миркуловски, кој мина долго време во игра, постигна два гола, добро разигруваше, но како и останатите знае дека грешките прескапо беа платени.
Францускиот селектор Клод Онеста како и секогаш мирен и не многу зборлест на прес-конференцијата многу подолго разговараше со Обрван отколку со новинарите. Сепак не пропушти да потенцира дека резултатот од +7 за неговата селекција не е реален исход на крајот.
Со пораз во израмнета игра со фаворитот Франција Македонија го почна европското првенство во Полска (30-23). Селекторот Ивица Обрван се одлучи да му даде шанса на Филип Кузмановски уште од првата минута, а по првиот напад Лазаров реализира седмерец. На двата гола на нашиот капитен одговори Гигу за 2-2 во 5. минута. По техничките грешки на противникот, нашите крила Георгиевски и Манасков ни донесоа 4-5 по 10 минути игра.
Македонските навивачи многу порано од противникот со песна го наполнија својот сегмент зад голот на Борко Ристовски во првиот дел. И помногубројни и повесели, црвено-жолтите во текот на целото прво полувреме се слушаа во полупразниот амбиент во „Краков арената“. Од сите места во Македонија, од Скопје, Кочани, Струга и Битола и нашите Македoнци од целата Европа, не жалеа труд и енергија да дојдат во Краков и да ги бодрат нашите најдобри ракометари.
Македонската делегација, членови на официјалното водство, федерацијата како и стручниот штаб на клупата, одбија да ги носат акредитациите на кои стои името БЈР Македонија.
Македонската „Фаланга“ во Краков е комплетирана. Утрово со автомобили дојдоа десетици македонски навивачи и иако уморни од патот, се упатија во полските ресторани и таверни во центарот на Краков. Таму се слушаше македонска песна, сите објекти беа „обоени“ во црвено-жолта боја и атмосферата пред мечот со Франција полека се загреваше. За разлика од нашите, француските симпатизери никаде ги нема. Иако организаторот денес во 14.00 часот ја отвори фан-зоната, нашите навивачи најдобро се чувствуваат во кафеана.
Искуството на Немања Прибак може да биде голем плус за нашата репрезентација пред мечот со Франција. Ракометарот на Бешикташ делува смирено и очекува шанса од селекторот Обрван.
Трансферот во Германија му годи на Борко Ристовски и подготвен ќе го дочека европското првенство. Самиот потенцира дека ситните повреди и болеста ги оставил зад себе и дека почнувајќи од денешниот меч против најсилниот можен противник, Франција, пак ќе го видиме оној стариот добар „министер за одбрана“.
Денес Македонија ќе го започне својот четврт европски шампионат од осамостојувањето. Колку е само квалитетно и компетитивно континенталното првенство, говори и фактот што секогаш на стартот на големите приредби сме играле со европски гиганти и само еднаш сме ремизирале со два порази.
Францускиот репрезентативец, Никола Карабатиќ, беше запрашан како гледа на првиот натпревар против Македонија и колку мисли дека е подготвен за игра, поради нецелосно заздравената повреда на препоните.
Ракометарите на Македонија денес ја започнуваат мисијата наречена Европско првенство. Нашите ракометари уште на самиот старт ќе имаат тешка задача, играјќи против најголемиот фаворит за златен медал, селекцијата на Франција.
Искуството на Филип Миркуловски ќе биде пресудно за исходот на мечот со Франција. И тој како и соиграчите го потенцира слоганот „Ние не се оптоваруваме со нивната, ќе ја играме нашата игра“. Ракометарот на Вецлар верува во чување на атмосферата и самодовербата меѓу ракометарите.
Денешниот натпревар на Македонија против Франција во Краков е четврт меѓусебен дуел на овие две репрезентации, а прв на големите приредби. Долго време нашите момци не се надигруваа против „триколорите“, за три пати во една иста година да играат меѓусебни мечеви.
Единствениот македонски интернационалец кој настапува во француската лига е Гоце Георгиевски. Токму нашето крило е веројатно најактуелнo за француските новинари, а воодушевува неговата стабилност и смиреност пред вака значаен натпревар.
Македонските ракометари го одработија последниот тренинг максимално професионално, смирено и насмеано и се подготвени за предизвикот кој се вика Франција. Новинарите и љубопитните останаа 15 минути, а потоа Обрван и Брестовац во мир потврдија што бараат од ракометарите на мечот закажан за утревечер.
Селекторот на македонската ракометна репрезентација Ивица Обрван обелодени дека капитенот на Вардар, Филип Лазаров, ќе биде ракометарот кој утре ќе се најде на трибините за мечот со Франција. Со оглед на тоа што противникот е физички многу моќна репрезентација, а Лазаров не е залечен, Обрван се одлучи да не ризикува.
