• Саше Љолес
Екипата на Нант го потврди своето учество во четвртфиналето во Лигата на шампионите, откако вторпат го совлада ГОГ Гудме Хандбол, овој пат со убедливи 40-28.
Французите немаа проблеми пред својата публика и ја покажаа силата рано во мечот, кој потоа прерасна во прилично еднострана приказна. На паузата, Нант водеше со убедливи 21-12, а во вториот дел само рутински ја доврши работата.
Најдобар поединец кај победниците беше Валеро Ривера со максимален учинок 9/9, а на спротивната страна, шест погодоци постигна Ласе Вилхелмсен. Нант во четвртфиналето ќе ги одмери силите во двомечот со славната Барселона.
