Мотор не му направи услуга на Вардар и прокоцка изненадување

Екипата на Мотор Запорожје беше на прагот да приреди изненадување и да дојде до првата победа во Лигата на шампионите, меѓутоа пресуди лошиот финиш во кој Монпелје дојде до триумфот (25-26).

Украинците водеа цела средба, но во финишот концентрацијата како да падна, па гостинот од Франција се радуваше на победата и го презеде второто место на табелата на кое досега беше Вардар.

На паузата резултатот гласеше 17-12 за домашните, а Монпелје во второто полувреме цело време бркаше резултат. Гостите дојдоа до приклучок на минута пред крајот кога изедначија на 25-25, а во последните секунди се постигна гол, за конечни 25-26.

Најдобар стрелец кај победникот беше Тручановичиус со пет гола, исто колку што постигна и Дескат, а кај Мотор, Бабичев заврши со седум постигнати гола.

На останатите натпревари, ГОГ и Кристијанштад го поделија пленот (37-37), Барселона беше доминантна кај Алборг (30-34), Целје го доби балканското дерби со ППД Загреб (24-22), а Сегед сигурно славеше над Елверум (32-25).

Лига на шампиони (М), Група Б
ОН П Н И Гол. ГР Форма Бод.
1 КилКил 11 8 2 1 348:305 43 18
2 ВеспремВеспрем 11 8 0 3 364:312 52 16
3 МонпелјеМонпелје 1 11 6 1 4 302:298 4 13
4 КиелцеКиелце 1 11 5 2 4 326:308 18 12
5 ПортоПорто 11 4 2 5 310:326 -16 10
6 ВардарВардар 11 4 1 6 309:355 -46 9
7 Мешков БрестМешков Брест 1 11 3 0 8 310:336 -26 6
8 Мотор ЗапорожјеМотор Запорожје 1 11 1 2 8 330:359 -29 4