• Иван Димовски
Ракометарите на Монпелје ќе му бидат ривал на Вардар 1961 во четвртфиналето на Европската лига на ЕХФ.
Францускиот колектив загуби на возвратниот осминафинален дуел од Елверум со 35-31, меѓутоа овој пораз не значи многу. Монпелје на првиот меч на домашен терен победи со огромни 12 гола разлика и со тоа си го трасира патот до четвртфиналето.
Вардарци ќе имаат сериозен предизвик против Французите во борбата за место на „фајнал-фор“ турнирот.
Првиот натпревар меѓу Монпелје и Вардар се игра на 28 април во Франција, додека реваншот е на 5 мај во Скопје.
