Меѓународни

Европската ракометна федерација (ЕХФ) го претстави новиот распоред на места за своите женски клупски натпреварувања за сезоната 2026/27, кој е утврден врз основа на резултатите на клубовите од националните федерации во изминатите три сезони — од 2022/23 до 2024/25.

Ракометарите на ГОГ Гудме приредија големо изненадување во групата на Еурофарм Пелистер во Лигата на шампионите. Данскиот претставник во ракометната елита ја запиша најголемата победа до сега во група Б, затоа што среде Париз славеше над ПСЖ со 34-36. 

Македонскиот шампион Еурофарм Пелистер забележа уште еден пораз во Лигата на шампионите, откако на гостувањето кај моќниот Магдебург загуби со 36-26 (19-13). На тој начин бундеслигашот остана перфектен и ја впиша шестата победа од исто толку натпревари, додека нашиот претставник го претрпе петтиот пораз. 

Екипата на Киелце забележа важна победа во битката за нокаут-фаза во Лигата на шампионите и како гостин победи кај Динамо Букурешт (28-24) во рамки на шестото коло од елитното друштво.

Ракометарите на Еурофарм Пелистер ги очекува едно од најтешките гостувања во сезоната, бидејќи одат на мегдан кај европскиот првак Магдебург во шестото коло на Лигата на шампионите. 

Францускиот ракометар Кентин Мае одлучи да стави крај на својата репрезентативна кариера и повеќе нема да настапува за „триколорите“. 

Ракометарите на ПИК Сегед славеа на гостувањето во Загреб со 23-28 (10-10) во рамките на шестото коло во Лигата на шампионите. Средбата во „Арена Загреб“ од групата на Еурофарм Пелистер понуди израмнет прв дел, а потоа фаворитот стигна до својата цел и му го нанесе шестиот пораз во исто толку натпревари на домашниот тим. 

Македонскиот шампион Еурофарм Пелистер се „сели“ во Германија, каде го чека уште еден тежок тест во ракометната Лига на шампионите. Моќниот Магдебург ќе биде предизвикот на „зелено-белите“ во шестото коло од новата сезона во елитата.

Ракометарите на Сесвете и Кристијанштад одиграа возбудлив натпревар во второто коло од групата Ф од Европската лига на ЕХФ, а на крајот ривалите мораа да се задоволат со поделба на пленот поради ремито со конечни 32-32. Токму Кристијанштад е следниот ривал на Вардар во Европската лига на ЕХФ, црвено-црните во ноември гостуваат во Шведска.