У19 ЕХФ шампионат (ж), Див. 2

За разлика од натпреварите против Фарски Острови и Холандија, во кои паднавме во вториот дел и останавме без шанси за пласман во полуфиналето на ЕХФ шампионатот во Скопје, денес, јуниорките на Македонија одиграа фантастични втори триесет минути и со 20 гола во мрежата на Финска славеа убедлива победа од 31-25 (11-11) и останаа во игра за петтото место на овој турнир. Јанкуловска одново беше фантастична на паркетот, а солиден натпревар во „Јане Сандански“ имаа и Коларовска, Седлоска, Ризоска..., па кога ќе се направи пресек на досегашниот одигран турнир, може да се донесе заклучок дека македонскиот женски ракомет има светла иднина.  Во борбата за петтото место нашите девојки ќе се судрат со селекцијата на Исланд.