Светско Првенство

Ракометната репрезентација на Македонија е во исчекување на одлуката на ЕХФ и ИХФ кои селекции ќе добијат „вајлд-карта“ за учество на следното Светско првенство во Египет. 

Кирил Лазаров е жива легенда на македонскиот ракомет и човек чие отсуство по завршувањето на кариерата тешко ќе се надополни. Капитенот е член на репрезентацијата уште од 1998 година, кога со само 18 години дебитираше против Белгија. Откако се етаблираше како лидер во младинската селекција на Македонија, Кире доби шанса за настап и со сениорите, па беше дел од првото Светско првенство, на кое се развеа македонското знаме, во Египет 1999 година. 

Ракометната репрезентација на Македонија имаше солиден настап на Светското првенство во 2017 година кое се одигра во Франција. Иако на крајот заврши на 15 позиција, селекцијата предводена од Червар на моменти прикажа добра игра. Огромна штета и жал е што во осминафиналето налета на разиграната Норвешка и запиша пораз. 

Македонската ракометна репрезентација има многу аргументи да се надева дека ќе добие „вајлд-карта“ и ќе настапи на Светското првенство во Египет во јануари 2021 година. Поништувањето на квалификациите беше силен удар за нашиот ракомет, но како земја која донесе две европски титули во последните три години и игра постојано девет години на големите приредби, шансите не се мали.

Европската ракометна федерација (ЕХФ) се реши за ригорозни мерки, кратејќи голем број средби, а Македонија се најде како колатерална штета на патот. Ракометарите на Вардар без борба ќе го препуштат европскиот врв, а покрај тоа и сениорската репрезентација ќе доживее елиминација од баражот за Светското првенство идната година.