СП (Ж), Квалификации

Женската ракометна репрезентација на Македонија одново се избори за бараж за еден планетарен собир. Откако нашите девојки одиграа фантастичен квалификациски турнир во Скопје и запишаа три победи од исто толку натпревари, по третпат во низа се на само еден чекор до пласман на едно Светско првенство. 

Женската ракометна селекција на Македонија одигра перфектен квалификациски турнир во Скопје и заслужено, со три победи од исто толку натпревари, обезбеди нов бараж за Светско првенство. 

Ракометарките на Македонија стигнаа до целта, ја победија и Грција (19-20) во Скопје, за максимални три од три во квалификациите за пласман на Светското првенство. Сега, избраничките на Симе Симовски како првопласирана селекција ќе се најдат во баражот за пласман на новиот Мундијал. За разлика од убедливите победи над Исланд и Литванија, „фенерџијата“ во групата 2 ја „испоти“ Македонија. За волја на вистината ракометарките играа растеретено и без резултатски императив, но на крајот пак успеаја да победат. 

Женската ракометна репрезентација успеа да ја победи Грција (19-20) на крајот од квалификациите за Светското првенство (СП), а во последниот напад на јужниот сосед, одлично интервенира голманката Јована Мицевска.