СЕХА Лига

Како и неговиот претходник Раул Гонзалез, младиот 39-годишниот стручњак Роберто Гарсија Парондо не зборуваше премногу на прес-конференцијата. Шпанецот по победата над ППД Загреб со 26-23 ги наполни со комплименти своите ракометари, но искажа жалење за повредата на Дисингер. 

Потсетува ли оваа сезона на онаа пред две години кога во април, водени од Раул, вардарци од Брест се вратија со СЕХА-титулата, понижувајќи го Веспрем? Сега, еден изменет вардаров состав пак во Брест ја победи конкуренцијата и ја освои првата од четирите можни круни. Стоилов пак беше централната фигура во церемонијалот и му препушти на Карачиќ да го подигне огромниот пехар на СЕХА по победата над ППД Загреб со 26-23. Нека биде така уште трипати годинава!

Дејан Милосављев беше еден од најдобрите ракометари на Вардар на завршниот Ф4-турнир во СЕХА-лигата. По триумфот над Загреб во финалето, српскиот репрезентативец истакна дека трофејот му годи, но истовремено жали за повредата на Кристијан Дисингер.

Вардар како никој друг – трета СЕХА-титула по ред и место во историјата на едно од најсилните натпреварувања во Европа. Иако многумина ја сметаат оваа сезона за помалку квалитетна сепак вардарци со победите над Мешков Брест и ППД Загреб во Белорусија крунисаа спектакуларен трилинг за историјата.

Македонакиот шампион Вардар е непобедлив во СЕХА и третпат по ред го освојува регионалното натпреварување, петти пат во својата историја. Во финалето во „Викторија Арена“ во Брест, „црвено-црните“ го совладаа ППД Загреб со 26-23 (14-12) во груб и неочекувано тензичен натпревар. За жал, нашиот претставник плати преголема цена за трофејот и го загуби Германецот Кристијан Дисингер кој сериозно се повреди.