Македонскиот вицешампион Еурофарм Работник успешно го започна учеството на 47. Меѓународен ракометен турнир во Струга, со победа над српски Пролетер Зрењанин со 35-22 (17-11).
Младинската женска ракометна репрезентација на Македонија одигра пријателски натпревар против репрезентацијата на Бугарија и забележа победа со резултат 31-23 (14-8).
Двата ракометни суперлигаши Пелистер и Бутел Скопје одиграа пријателски натпревар кој заврши со триумф на „зелените“ (24-21), во салата „Боро Чурлевски“ во Битола.
Македонскиот прволигаш Струга се разигрува за наредниот дел од сезоната во мак-ракометот, а во рамки на подготовките одигра пријателски меч против романска Доброгеа Суд, кој го загуби убедливо.
Македонскиот суперлигаш Еурофарм Работник одигра два контролни натпревари против Железничар од Ниш и доживеа пораз и на двата меча кои се одиграа на гостински терен.
ЖРК Куманово оствари победа над составот на косовскиот тим Приштина со резултат 24-44, во рамките на пријателскиот натпревар кој се одигра на теренот на противникот. Победникот беше познат уште по првиот дел, кога кумановчанки водеа со 9-23.
Ракометарите на Еурофарм Работник го освоија меморијалниот турнир „Заим Кобилиќ“, кој викендов се одржуваше во босанскиот град Зеница. Македонскиот тим славеше на две средби против домашни екипи и се враќа дома со трофеј.
Битолскиот суперлигаш Еурофарм Работник, славеше на пријателскиот натпревар со Партизан со убедливи 24-33. Победникот беше решен уште во првиот дел, кога избраниците на Ѓорѓе Чирковиќ водеа со осум голови разлика.
