Репрезентацијата на Данска уште еднаш покажа дека е „алфа и омега“ во светскиот ракомет, откако на лесен и убедлив начин дојде до златниот медал од Олимписките игри со победата над Германија (39-26).
Шпанската ракометна репрезентација е носител на бронзениот медал на ракометниот турнир на Олимписките игри во Париз. Избраниците на Жорди Рибера по вторпат во краток интервал ја совладаа Словенија и на „мала врата“ дојдоа до олимписко одличје. Утринскиот дуел во Лил беше целосно израмнет, а на крајот се радуваа Шпанците со 23-22 (12-12). Ова е петти бронзен медал за шпанската ракометна репрезентација во историјата на Олимписките игри.
Словенечката ракометна репрезентација има за што да жали по поразот во полуфиналето на олимпискиот турнир против Данска, Момците на Зорман имаа напад за реми, но на патот до продолжение им застанаа чешките судии.
Ракометната селекција на Германија е првиот финалист на Летните олимписки игри во Париз, откако во спектакуларен натпревар славеше минимална победа над моќната Шпанија 25-24 (12-12). По две децении селекцијата од најсилната светска лига ќе игра за олимписко злато, што е големо изненадување по последните разочарувачки настапи на Светското и Европското првенство.
Селекторот на словенечката ракометна репрезентација, Урош Зорман, изрази огромно задоволство од изданието на неговите играчи во четвртфиналниот меч од Олимписките игри, каде „змајчеки“ ја совладаа Норвешка.
Репрезентацијата на Словенија продолжува со спектакуларните игри на ракометниот турнир во Париз и успеа да ја исфрли Норвешка во четвртфиналето, откако славеше со 33-28 и се пласира во полуфиналето на Олимписките игри. Ова е најголем успех на словенечкиот ракомет на Олимписките игри и момците на Урош Зорман се на само една победа од медал.
Репрезентациите на Данска и Шведска одиграа фантастично четвртфинале на Олимписките игри, со атомско темпо, многу мини-пресврти и возбудувања, а победата на крајот им припадна на Данците, кои во драматичниот финиш славеа со 32-31 (16-16).
