Лига на шампиони

Импресивно прво полувреме, Митревски како секогаш разбренет, Јотиќ и Остроушко во ритам и се изгледаше како по ноти. Сепак, како и претходно сезонава Еурофарм Работник е непостојан, игра со осцилации и го врати Савехоф во натпреварот. Добрата одбрана и херојскиот гол на Радовиќ за 32-31 го спасија натпреварот и ја израдуваа ракометна Битола. Ако беа во можност да спојат две добри полувремиња, битолчани сигурно сега ќе беа на врвот на групата Ц во Лигата на шампионите.

Во ретко виден трилер, Еурофарм Работник ја впиша втората победа во Лигата на шампионите оваа сезона. Совладан е шведскиот Савехоф и тоа со гол на Мирко Радовиќ со звукот на сирената. Црногорскиот репрезентативец, кој игра подеднакво добро и на крило и на бек, од скоро невозможна позиција постигна победеносен погодок за 32-31.

Никола Маркоски по подолг период се врати во ростерот на Еурофарм Работник и беше еден од клучните играчи на тимот во вечерашната победа над Савехоф од 32-31.

Еурофарм Работник како да е претплатен да игра трилер-мечеви во Лигата на шампионите оваа сезона, но по неколкуте малерозни финиши, вечерва имаше среќен крај за нив. 

„На маката се познаваат јунаците“, вака тренерот Стевче Алушовски ги мотивираше своите ракометари во пресрет на дуелот со Савехоф. По четирите порази во низа Еурофарм Работник конечно им се врати на победничките патеки оваа сезона и повторно ги израдува своите фанови со триумф во салата „Боро Чурлевски“.