Европско Првенство

До крајот на натпреварот имаше неполни две ипол минути, а Хрватска повика минута одмор при 24-24. Селекторот Лино Червар ги запраша ракометарите: „Момци ќе играме ли „седум на шест“ до крајот?“. Идејата на 70-годишниот стручњак веднаш ја отфрлија Дувњак и Циндриќ, кои како вистински лидери отсечно одбија: Не, ќе играме „шест на шест“...

Игор Карачиќ беше прогласен за играч на натпреварот на дуелот меѓу Хрватска и Германија, во кој „коцкестите“ се вратија од бездната и запишаа златни бодови вредни полуфинале.

Хрватска се издигна по лошиот прв дел и со блескав финиш ја совлада Германија со 25-24 во преполната арена во Виена. Со петтиот триумф „каубоите“ се чекираа во полуфиналето, а им се осветија на бундеслигашките ѕвезди за поразот на Мундијалот во Келн минатата година.

Во најубавиот натпревар досега на Европското првенство во ракомет, Хрватска ја совлада Германија со 25-24 (11-14) и сервираше реванш за поразот во Келн минатата година. Момците на Червар се сега во друштво на Шпанија со максимални пет победи и шест бода и полуфиналето веројатно ќе го заверат в понеделник против Чешка, па со „фуријата“ ќе решаваат само за првото место во групата. 

Европскиот првак Шпанија ја забележа петтата победа на Европското првенство во Австрија, Шведска и Норвешка и со шест бода е најблиску од сите селекции до Стокхолм и полуфиналето. Попладнево во „Штадхале“, шпанската селекција ја надигра Австрија со 30-26 (17-16) и се зацврсти на врвот во виенската група.