Челинџ Куп

Само една македонска екипа играла финале на Челинџ Купот, битолски Пелистер. Иако дебитант, градскиот ривал Еурофарм Работник верува дека чекор по чекор може да се испише историја оваа сезона.

Македонскиот претставник во осминафиналето на Челинџ Купот, битолски Еурофарм Работник веќе три недели се подготвува за саботниот дуел со Филинген Берген од Норвешка. Темелковски на располагање ги има сите ракометари, Горан Крстевски ги залечи повредите и ќе недостига единствено долго повредениот Чаневски.

Ракометарите на Еурофарм Работник ќе презимат во Челинџ Купот, откако во двомечот со литванскиот Гранитас Каунас извојуваа две победи и заслужено продолжуваат во осминафиналето. По победата од 28-24 во Битола пред една недела, денес во Каунас битолчани славеа со 23-29 (10-11).

Најмладиот македонски клуб, Еурофарм Работник долго ќе го памети европското деби. Победата над литванскиот Гранитас од Каунас со 28-24, ниту е спектакуларна, ниту гарантира европска пролет во Челинџ Купот, но означува почеток на една возбудлива ракометна приказна. Амбициозниот клуб од Битола ги оствари своите цели во минатата сезона со пласманот во финалето на Купот и обезбедувањето на европски ракомет во својата прва сезона во елитната категорија. За следниот исчекор, момците на Темелковски мора да го покажат квалитет и искуство и на гостувањето во Каунас следната сабота.