Македонија

Екипата на Алкалоид во последното коло остана без услугите на српскиот бек Урош Борзаш, кој се повреди против поранешниот клуб Еурофарм Пелистер.

Ракометната федерација на Македонија ги одреди термините за бараж-натпреварите во македонската Суперлига. Одлучено е натпреварите да се одиграат во салата „25 Мај“ во Радовиш, каде ќе проследиме по еден дуел во машка и женска категорија. 

Вардар 1961 е нов првак на Македонија. Црвено-црните по три години се враќаат на тронот и ќе играат во Лигата на шампионите. Последната сезона во црвено-црниот дрес следната година ќе ја игра поранешниот македонски репрезентативец, искусното крило Гоце Георгиевски.

Ракометниот клуб Радовиш со победа ги заврши настапите во домашниот шампионат. Во последното коло од плеј-аутот радовишани славеа пред својата публика над Струга, а овој натпревар беше од посебно значење за легендата на клубот – Славјан Паунов.

По три години владеење на Еурофарм Пелистер, Вардар 1961 ја врати титулата во своите витрини. Со доминантна сезона на домашно тло, црвено-црните на Иван Чупиќ се вратија на врвот. По последниот меч против Бутел Скопје, хрватскиот стратег кој го води најтрофејниот македонски клуб беше задоволен од прикажаното од тимот во текот на целата сезона.

Екипата на Радовиш патува во понизок ранг, но нема да остане како екипа запаметена без ниту една победа, затоа што славеше над Струга (32-29) во последното коло од плеј-аутот на Суперлигата.

Ракометарите на Охрид останаа со шанси за второто место и вицешампионската титула, откако во првиот натпревар од последното десетто коло на плеј-офот го совладаа Тиквеш со 22-29 (12-17). Овој натпревар се одигра во СЦ „Биљанини извори“ во Охрид, иако номинално домаќини беа кавадарчани.

Ракометарите на ГРК Охрид, по европскиот предизвик на гости кај Татабања, веднаш се враќаат на обврските во домашното првенство, каде што ги очекува последниот натпревар од сезоната против екипата на Тиквеш.

Екипата на МРК Куманово продолжи со натпреварите во плеј-аутот и славеше убедливо над Радовиш (38-21) во рамки на Суперлигата.