Турнир „Миле Нешкоски“

Ракометарите на Еурофарм Пелистер 2 на доминантен начин го освоија  меморијалниот турнир „Миле Нешкоски“ во Прилеп. По двете победи во групната фаза, повратникот во Суперлигат без поголеми потешкотии славеше во вечерашното финале над Прилеп (26-32) и со трофеј ќе се врати во Битола.

Екипата на Пролет 62 го освои третото место на меморијалниот турнир „Миле Нешкоски“ во Прилеп откако по пенали славеше над ГРК Тиквеш (24-24, 29-27). Дуелот на двата македонски суперлигаши беше израмнет, а се реши по изведување на седмерци, иако кавадарчани имаа наапад за победа.

Екипата на Прилеп ќе игра финале на домашниот меморијален турнир „Миле Нешкоски“ затоа што во драматичен натпревар славеше над ГРК Тиквеш.

Ракометарите на Пролет 62 и Еурофарм Пелистер 2 го отворија Меморијалниот турнир „Миле Нешкоски“ во Прилеп, а победата на првиот натпревар замина кај битолскиот состав, кој триумфираше со конечни 16-27 (7-10).