Суперлига

Лидерот во Суперлигата, Вардар го претстави своето ново засилување за следната година. Во црвено-црното семејство доаѓа Леон Љевар, лев бек кој моментално ги брани боите на тимот на Слован од Словенија.

Актуелниот македонски ракометен шампион, Еурофарм Пелистер, го одработи првиот тренинг под водство на тренерот Стевче Алушовски. Ракометната легенда го презеде тимот, во обид да ги исполни големите амбиции и очекувања на управата и навивачите, а денес првпат „командуваше“ во салата „Боро Чурлески“ во Битола.

Ракометниот клуб Радовиш ги започна подготовките за пролетниот дел од сезоната во Суперлигата, во која ќе има екстремно тешка задача. Во својот дом тимот го одржа првиот тренинг, а по заминувањето на Александар Долдуров, тренерската палка ја презеде добро познато име – Спасе Ѓорѓиев. Се работи за поранешен ракометар на Радовиш, кој една сезона беше и тренер на тимот. 

Најтрофејниот македонски ракометен клуб Вардар 1961 во актуелната сезона е лидер во машката ракометна Суперлига. Тимот цели да се врати на тронот во Македонија, а во тоа добива нов партнер – регионалниот лидер во приредување игри на среќа, компанија Mozzart е нов спонзор на црвено-црните!