• Зоран Мишевски

Уште пред неколку дена женската ракометна репрезентација на Македонија го заврши настапот на Европското првенство, освојувајќи го третото место во групата, и со севкупен пласман на осумнаесетто место од вкупно 24 национални селекции.
За македонските ракометарки ова беше седмо учество на завршен турнир на еден континентален собир, а претходно учествуваа на Европските Првенства 1998, 2000, 2006, 2008, 2012 и 2022 година.
Следуваат бараж натпреварите за пласман на Светското првенство, кое ќе се одржи во Германија и Холандија, а извлекувањето е предвидено в недела во 13:30 часот во рамки на завршниот викенд на Европското првенство во Виена.
Македонија не е во групата на носители и може за противник да добие и многу силна селекција.
Носители:
Шведска, Црна Гора, Шпанија, Австрија, Чешка, Исланд, Полска, Романија, Словенија, Швајцарија, Фарски Острови
Неносители:
Македонија, Израел, Италија, Косово, Хрватска, Турција, Србија, Португалија, Украина, Словачка, Литванија
Бараж натпреварите за пласман на Светско Првенство ќе бидат одиграни за време на ЕХФ неделата, во месец април 2025 година.