• Горан Упале
Женската ракометна селекција на Македонија забележа уште еден пораз од Австрија, во вториот контролен натпревар одигран во Брегенц.
Откако вчера нашите ракометарки останаа без сили во финишот и загубија со шест гола разлика, денеска, сликата беше далеку поразлична и домашната селекција на крај славеше со убедливи 13 гола предност.
На полувреме домашната селекција веќе имаше сигурни шест поени водство, а во вториот дел беше немилосрдна и продолжи да го полни нашиот гол за убедлива победа од 34-21.
Двете пријателски средби се еден вид на почеток на подготовките за она што Македонија ја чека кон крајот на годината – новиот настап на Европско првенство. Нашите девојки во групата се со Унгарија, Турција и Шведска.
