• Горан Упале
Екипата на Ваљадолид, за кого настапуваат двајца македонски ракометари, синоќа приреди големо изненадување во АСОБАЛ лигата, откако пред својата публика ја сруши моќната Барселона.
Конечниот резултат гласеше 26-24, а поранешните репрезентативци на Македонија има одлична партија. Мартин Карапалевски постигна три погодоци, додека Димитар Димитриоски еден, но и тоа каков! Некогашниот ас на Металург и Еурофарм Пелистер 2 од „мртов агол“ на мајсторски начин го совлада еден од најдобрите голмани на светот – Емил Нилсен и заслужено тој погодок се најде на социјалните мрежи на АСОБАЛ лигата, како еден од најатрактивните на натпреварот.
Инаку, Димитриоски по три години ќе го напушти Ваљадолид и од следната сезона ќе има нов клуб.
