• Горан Упале
Стефан Мадсен, тренерот на данскиот шампион Алборг, ги пофали своите пулени за одиграната партија во воведното коло од Лигата на шампионите против Киелце.
Данскиот тим славеше голема победа на гостувањето во Полска, а Мадсен истакна дека неговите избраници треба да го одиграат истиот ракомет и против Еурофарм Пелистер, натпревар кој се игра вечерва.
„Многу сум горд на тимот за тоа како одигра на првиот натпревар во Киелце. Со висок интензитет и трпение во текот на целиот натпревар, бевме наградени со победа. Тоа треба да го направиме и на натпреварот в среда против Еурофарм Пелистер, противник против кого првпат играме“, рече Стефан Мадсен.
Пелистерци, сезоната во Лигата на шампионите ја започнаа со убедлив пораз од Колштад во Битола. Натпреварот во Данска се игра вечерва од 20:45 часот.
