Лесна победа на Вардар Јуниор во Велес

Ракометарите на Вардар Јуниор прокнижија значајни бодови на гостувањето во Велес во рамките на последниот натпревар од осмото коло на Суперлигата. Младите вардарци го совладаа Борец со 17-30 (9-11), во дуел во кој само првите 15-тина минути беа израмнети. 

Вардарци набрзина стигнаа до предност од 5-6 погодоци на стартот од вториот дел и го приведоа натпреварот до убедлива победа. Мишевски со осум и Димов со четири гола беа најефикасни во победничкиот табор, а Ристов со девет гола беше единствена светла точка во поразениот тим на Борец.

Велешани останаа заковани на последното место на табелата во Суперлигата, а Вардар Јуниор со третата победа се зацврсти на седмото место со девет бода. 

Следното деветто коло се игра в среда, а Еурофарм Работник в сабота го игра натпреварот од третото коло на ЕХФ Купот против швајцарски Берн. 

Суперлига
ОН П Н И Гол. ГР Форма Бод.
1 МеталургМеталург 14 12 2 0 486:350 136 38
2 Охрид 2013Охрид 2013 14 12 1 1 404:313 91 37
3 Бутел СкопјеБутел Скопје 14 10 1 3 379:340 39 31
4 Пролет 62Пролет 62 14 9 2 3 440:371 69 29
5 РадовишРадовиш 14 7 1 6 412:408 4 22
6 Вардар ЈуниорВардар Јуниор 14 6 0 8 385:417 -32 18
7 Еурофарм Пелистер 2Еурофарм Пелистер 2 14 4 2 8 358:379 -21 14
8 Металург 2Металург 2 14 2 1 11 397:473 -76 7
9 РаботничкиРаботнички 14 1 1 12 399:504 -105 4
9 СтругаСтруга 14 1 1 12 323:428 -105 4