• Иван Димовски
Ракометарите на Еурофарм Пелистер славеа во натпреварот против Мешков Брест по изведувањето на пеналите со 27-26 (23-23), со што си обезбедија прво учество на завршниот СЕХА-турнир.
Одлуката на овој меч дојде во пенал-рулетот, голманите немаа некаква улога во воведните серии, а голот го промашуваа Радовиќ и Куран. Петтиот пенал за пелистерци го реализира Жарко Пешевски, па притисокот падна на Микалаи Алиохин. На голот застана Урбан Лесјак, битолската публика направи неверојатен притисок врз шутерот, а словенечкиот голман атрактивно во пад го одбрани пеналот.
- Одбранетиот пенал на Лесјак за победа:
Комплетната пенал серија натпреварот Еурофарм Пелистер - Мешков Брест:
Со оваа одбрана, Еурофарм Пелистер испиша историја, бидејќи првпат ќе настапи на „фајнал-фор“ турнирот. Ривал во полуфиналето на битолчани ќе им биде унгарски Веспрем.
