• Саше Љолес
Кристијан Грчевски ја доби довербата од Управниот одбор на Ракометната федерација и останува на селекторското место во женската репрезентација на Македонија.
Нашите девојки успеаја после долго време преку квалификацискиот циклус да се пласираат на Европското првенство, а таму освоивме и еден бод против селекцијата на Турција, па сите овие успеси беа доволна причина за продолжување на соработката со Грчевски.
Новиот договор ќе биде со важност до летото 2026 година, период во кој ќе се очекува националниот тим да продолжи со добрите резултати.
