Ковид-19 го нападна ПИК Сегед, одложен дуелот со Флензбург

ПИК Сегед и Флензбург нема да го одиграат натпреварот во рамки на Лигата на шампионите затоа што во таборот на унгарскиот тим се појави позитивен случај на коронавирус.

Од ПИК Сегед информираат дека еден позитивен случај се појавил на редовното тестирање спроведено пред натпреварите во ЕХФ Лигата на шампионите. Веднаш биле спроведени сите мерки и лицето е изолирано.

На сите останати ракометари и членови на стручниот штаб ќе им се направат нови тестови, а дотогаш нема да се тренира и работи. Од ПИК Сегед истакнаа дека го информирале ЕХФ и Флензбург за ситуацијата и мечот кој беше предвиден за утре нема да се игра.

Кој ќе ги освои поените од овој дуел, ќе биде познато во наредните денови.