• Горан Упале
Ракометарите на Колштaд ја запишаа првата победа во новата сезона во ракометната Лига на шампионите. Убедливиот пораз од Киелце на стартот беше заборавен и норвешкиот шампион со сигурна игра пред својата публика славеше над Динамо Букурешт и ги запиша првите бодови во групата А. Конечниот резултат гласеше 31-28 (17-10).
Најрасположени кај победничкиот тим беа Јепсон и Гудјонсон со по пет погодоци, додека за Динамо се истакнаа Негу со пет и Вујовиќ со четири гола. Сепак, прво име на натпреварот беше шведскиот ветеран Паличка, кој целосно ги „откажа“ Романците.
За разлика од средбата во Норвешка, во Данска екипите на ГОГ Гудме и ПИК Сегед одиграа крајно возбудлив и ефикасен натпревар, кој заврши со победа на гостите од Унгарија (31-36).
Марио Шостериќ беше незадржлив за домашната одбрана и постигна единаесет гола, а солиден беше и Банхиди со шест. За данскиот претставник на ниво беа Педерсен со осим и Бјер со седум гола.
