• Зоран Мишевски
Екипата на Еурофарм Пелистер задржа важен играч во тимот за следната сезона. Данецот Каспер Кисум го продолжи договорот со македонскиот првак и ќе остане во Битола и понатаму, објавија од клубот.
„Ни претставува особено задоволство што уште еден член на шампионската генерација на РК Еурофарм Пелистер се одлучи за го продолжи своето спортско патување со нас. Данскиот интернационалец Каспер Кисум го продолжи договорот со нашиот клуб за уште една сезона, што е јасен показател за задоволство и хармонија по само неколку месеци во Македонија.
30-годишниот Кисум на почетокот од годината пристигна во Битола и даде голем придонес во пролетниот дел на сезоната., посебно во натпреварите од плеј-офот на Суперлигата. Поранешниот ракометар на Сондејиске мина низ многу етапи во кариерата, играше и за Хановер Фленсбург во Бундеслигата и Тулуз во француското првенство, а сега ќе продолжи да тресе мрежи во Македонија.
Кисум треба да биде додадена вредност на нашиот пат во Лигата на шампионите. Со нетрпение го очекуваме на почетокот на подготовките на 19 јули“, се вели во соопштението на Еурофарм Пелистер.
Пелистерци ја освоија првата титула во шампионатот по 2005 година и така се враќаат во Лигата на шампионите. Амбициите на клубот се повисоки и се очекуваат нови имиња во периодот кој следи. Тој овој момент на битолчани им пристапија Павле Петровиќ од Еурофарм Пелистер 2 и Нејц Цехте од ГОГ Гудме.
