• Саше Љолес
Ракометарите на Киелце испуштија огромна шанса за втора победа во низа во Лигата на шампионите, откако ремизираа со данскиот Алборг со конечни 32-32.
Бевме сведоци на многу неизвесен меч, во кој домаќините ниту еднаш немаа повеќе од три гола предност, а на крајот публиката виде голема драма во која гостите се изборија за бод буквално во последната секунда од мечот.
Киелце имаше водство од 32-31 и напад за победа, но голманот Ландин го скроти обидот за лоб, а неговите соиграчи со два брзи потега успеаја да постигнат гол во последните стотинки и осигурија важен бод со кој остануваат на второто место во групата А, веднаш зад лидерот Фуксе Берлин.
Душебаев и Сичко беа перфектни кај домаќинот (6/6 и 7/7), додека на спротивната страна ист учинок имаа Јул-Ласен и Јури Кнор.
