Киелце тешко победи во Шведска и се позиционира зад Вардар

Во последниот денешен натпревар од 11. коло на групата А, во која е и нашиот Вардар, ракометарите на Киелце на гостински терен славеа тешка победа против Кристијанштад со 33-34 и се доближија на само еден бод од тимот на Вардар, пред завршните три меча од групната фаза на Лигата на шампионите.

Од самиот почеток на мечот се играше буквално без одбрани, гостите беа тие кои го диктираа темпото и имаа предност во поголемиот дел од првиот дел, но домаќините не дозволуваа поголема негатива од -3. На одмор со минимална предност од 15-16 заминаа избраниците на Талант Душебаев.

Во вториот дел ритамот беше побрз, домаќините константно вршеа резултатски притисок, а последното израмнување беше при резултат 30-30. Во финишот Полјаците повторно го презедоа водството, кое иако беше минимално од 1-2 разлика успеаја да го сочуваат до самиот крај и да слават сигурна победа од 33-34. Лидер во победата на Киелце беше Михаил Јурецки со 12 погодоци, а кај Швеѓаните Нилсен и Гудмундсон запишаа по пет гола.

Во следното коло Кристијанштад ќе игра на гости против Барселона, додека Киелце ќе го пречека тимот на Монпелје.

Лига на шампиони (М), Група А
ОН П Н И Гол. ГР Форма Бод.
1 БарселонаБарселона 14 12 0 2 486:391 95 24
2 ВеспремВеспрем 14 10 0 4 410:382 28 20
3 ВардарВардар 14 9 1 4 406:390 16 19
4 КиелцеКиелце 1 14 7 0 7 439:430 9 14
5 Рајн Некар ЛевенРајн Некар Левен 1 14 7 0 7 418:410 8 14
6 Мешков БрестМешков Брест 1 14 4 1 9 379:419 -40 9
7 МонпелјеМонпелје 1 14 3 1 10 377:414 -37 7
8 КристијанштадКристијанштад 14 2 1 11 396:475 -79 5