• Редакција Gol.mk
Продолжуваат промените во женските ракометни клубови во пресрет на новата сезона. Скоро сите водечки екипи се одлучија за нови тренери, а и ЖРК Металург означи нов почеток. Силвана Карбеска е нов тренер на поранешниот шампион и Куп-победник.
Карбеска е меѓународен судија, но одлично ја развива и својата тренерска кариера. Заедно со Марко Миркуловски од ЖРК Шампион, младата Карбеска ќе го предводи проектот на клубот од Автокоманда. Планирани се и неколку засилувања од таборот на ЖРК Шампион.
Новиот ЖРК Металург ќе започне со подготовки на 9 август и комплетно ќе ги реализира во Скопје.
Новата сезона на женската Суперлига ќе започне на почетокот на септември.
