• Саше Љолес
Селекторот на женската репрезентација на Данска, Јеспер Јенсен, се повлекува од своето работно место, иако имаше важечки договор до летото 2026 година.
47-годишниот стратег реши да го заврши својот мандат годинава и ќе побара друг ангажман, на големо изненадување на навивачите кои беа задоволни од неговата работа. Под негово водство Данска се пласираше во пет полуфиналиња на големите натпреварувања, вклучително и на Олимписките игри во Париз, каде се закити со бронзениот медал.
Во својата колекција има и два бронзени медали од Светските првенства во 2021 и 2023 година, а на континенталните собири се закити со две сребра, но никогаш не успеа да се искачи на највисокото место на пиедесталот.
