• Мартин Танасковски
Двократниот европски првак Вардар 1961 ќе се врати во натпреварувањата на ЕХФ и ќе настапува во групите на Европската лига. Откако минатата сезона се паднаа во квалификациите против гигантот Рајн Некар Левен и беа елиминирани, оваа сезона вардарци одат директно во групната фаза, а ги дознаа и ривалите по крајот на квалификациите.
Во групната фаза сигурен ривал на вардарци беше Порто, а по комплетирањето на плејофот, македонскиот тим ќе оди на мегдан со германскиот бундеслигаш Мелсунген кој е предводен од екс-тренерот на „црвено-црните“ Парондо, како и против исландскиот Валур. Мелсунген го елиминира Елверум, додека Валур го мина тимот на Спачва Винковци.
Познат е и распоредот на натпревари. На осми октомври во првото коло Вардар ќе го дочека Валур, во втората рунда оди на гости кај Мелсунген, па следи двомеч дома-гости со Порто. Во петтото коло следи гостување кај Валур, а последната рунда е домашен меч против Мелсунген.
- Распоред на натпревар на Вардар во групите на Европската лига:
1 коло - Вардар - Валур (08.10.2024)
2 коло - Мелсунген - Вардар (16.10.2024)
3 коло - Вардар - Порто (22.10.2024)
4 коло - Порто - Вардар (30.10.2024)
5 коло - Валур - Вардар (18.11.2024)
6 коло - Вардар - Мелсунген (26.11.2024)
Двете првопласирани екипи одат во плеј-оф фазата на Европската лига.
