• Александар Ковачев
Во последниот бараж натпревар за пласман на Светското ракометно првенство, ракометарите на Португалија на домашен терен го совладаа Исланд со 21-20 (10-7), но на првенството во Франција се пласираа Ислаѓаните, бидејќи во првиот натпревар славеаа победа од 26-23.
And the last european team qualified for the World Championship is Iceland ! Congratulations ! #Handball2017 pic.twitter.com/YvuxhNbMrg
— France Handball June 16, 2016
Португалските ракометари натпреварот го започнаа со цврста одбрана и во таквата игра имаа константно водство. Во 22. минута по голот на Коста имаа највисоки +4 (9-5). На крајот на првите 30 минути Португалија замина со предност од +3 (10-7). На стартот на вториот дел повторно двете селекции продолжија со неефикасна игра и предност на домаќините од 2-3 разлика. Во 51. минута по голот на Халгримсон, за првпат Исланѓаните го изедначија резултататот на 17-17. Но на тоа Португалија возврати со серија од 3-0 и на три минути до крајот ги имаше потребните три гола разлика. Сепак Гунарсон и Палмарсон со два гола не дозволија изненадување и на крајот Португалија славеше „пирова“ победа од 21-20.
Најефикасен кај Исланд беше Арон Палмарсон со 4 гола, а кај домаќините тоа беше Дуарте со 5 погодоци. За репрезентацијата на Исланд пласманот на СП во Франција е нивни четврт во серија, а најдобиот резултат го забележаа на првенството во Шведска во 2011 година, кога завршија како шестопласирани.
Ждрепката на групите на Светското првенство, по која и нашата репрезенатација ќе ги дознае своите противници ќе се одржи на 23 јуни.
