• Саше Љолес
Искусниот лев бек Предраг Родиќ во новата сезона ќе го носи дресот на Струга, откако потпиша едногодишен договор со македонскиот клуб.
Родиќ настапува на позицијата лев бек, а покрај офанзивните задачи, успешно придонесува и во одбраната. Со неговото доаѓање, Струга добива дополнителна цврстина, висина и богато искуство во одбранбената линија.
Во текот на својата кариера настапуваше за повеќе клубови, меѓу кои Синтелон, Црвена Звезда, Партизан, унгарски Мезокевешди, португалска Брага, како и екипи од Словачка, грчки Дукас, Кувајт и словенечка Ајдовшчина.
